Բոլորակ » Մանկական ուղեղային կաթված https://parents.disabilityinfo.am Հաշմանդամություն ունեցող երեխաների ծնողների համար Wed, 09 Jan 2019 10:37:59 +0000 hy-AM hourly 1 https://wordpress.org/?v=4.1.38 ՄՈՒԿ-ի երկրորդային բարդությունների նվազեցման կարևորության մասին https://parents.disabilityinfo.am/%d5%b4%d5%b8%d6%82%d5%af-%d5%ab-%d5%a5%d6%80%d5%af%d6%80%d5%b8%d6%80%d5%a4%d5%a1%d5%b5%d5%ab%d5%b6-%d5%a2%d5%a1%d6%80%d5%a4%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%ab-%d5%b6/ https://parents.disabilityinfo.am/%d5%b4%d5%b8%d6%82%d5%af-%d5%ab-%d5%a5%d6%80%d5%af%d6%80%d5%b8%d6%80%d5%a4%d5%a1%d5%b5%d5%ab%d5%b6-%d5%a2%d5%a1%d6%80%d5%a4%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%ab-%d5%b6/#comments Tue, 27 Oct 2015 11:20:50 +0000 http://parents.disabilityinfo.am/?p=631 Մանկական ուղեղային կաթված (ՄՈՒԿ) ունեցող երեխաների ծնողները պետք է հիշեն, որ բժիշկներն իրենց երեխաներին չեն բուժում՝ պարզապես հետևում են, որպեսզի հետագա երկրորդային բարդություններից հնարավորինս խուսափեն: Բանն այն է, որ ՄՈՒԿ-ն առաջանում է ներարգանդային շրջանում, ծննդաբերության ժամանակ ու հետագայում որևէ բան անել հնարավոր չէ: Բժիշկները կարող են նվազեցնել հաշմանդամության արտահայտվածությունն ու նպաստել երեխայի կայուն վիճակի պահպանմանը:

Նախ պետք է հասկանալ` երեխան ռիսկի խմբո՞ւմ է, թե՞ արդեն ՄՈՒԿ ունի: Ռիսկի խմբում են այն երեխաները, որոնք մինչև մեկ տարեկանը, օրինակ` նստելիս գլուխը միջին գծով ուղիղ չեն պահում, փոխարենը մեծ մասամբ մի կողմի վրա են պահում, կամ մի ձեռքը մյուսից պասիվ է պահում: Վերականգնողական վարժությունների միջոցով մասնագետներն օգնում են, որ երեխայի մոտ պաթոլոգիա չզարգանա:

Ծնողները նման նշաններ նկատելիս նախ պետք է դիմեն իրենց ընտանեկան բժշկին, որի տված ուղեգրի միջոցով արդեն կկարողանան համապատասխան մասնագետի ծառայություններին դիմել:

Շատ դեպքերում, երբ երեխայի մոտ թեթև բարդություններ են լինում, բժիշկները սովորեցնում ենք ծնողներին ինչ վարժություններ անել, ինչպես գրկել երեխային, որպեսզի ավելի չվնասի: Պետք է նշել, որ երեխային գրկելու ճիշտ և սխալ տարբերակներ կան: Մենք ծնողներին խորհուրդ ենք տալիս երեխային գրկելու փոխարեն նրանց կենգուրուի մեջ դնել: Եթե այդ տարիքն անցնում է, ապա երեխային պետք է այնպես գրկել, որ նա հենվի գրկողի կոնքին՝ բացված ոտքերով: Սրա նպատակը աճուկային հատվածի մկանների կարճացման հավանականության կանխումն է:

ՄՈՒԿ-ի զարգացման ռիսկային խմբի երեխաներին վերականգնողական բուժում նշանակելու նպատակը նրանց փուլային զարգացման խթանումն ու երկրորդային բարդությունների կանխարգելումն է: Երեխայի աճին զուգահեռ երկրորդային տարբեր խնդիրներ են զարգանում, և խնդիրը դրանք կանխելն է: Երկրորդային բարդությունների թվում է երեխայի կեցվածքի սխալ զարգացումը, որն ինքնըստինքյան արդեն կարող է առաջացնել ողնաշարի, ներքին օրգանների խնդիրներ:

Շատ կարևոր մի հանգամանք էլ կա, որ ծնողները պետք է հիշեն: Եթե երեխան 7 ամսական է ծնվել, հնարավոր է` 5 ամսականում չանի այն, ինչ անում են իր հասակակիցները, որովհետև շուտ է ծնվել ու դեռ պետք է զարգանա` լրացնելով բացը: Սակայն եթե 2 ամսից ավելի հետ է մնում իր հասակակիցներից, դա արդեն անհանգստանալու տեղիք պետք է տա: Նշենք նաև, որ այս նրբությունը պետք է հաշվի առնել մինչև 1 տարեկանը, դրանից հետո երեխան պետք է զարգանա 9 ամսական ծնված երեխաների պես:

]]> https://parents.disabilityinfo.am/%d5%b4%d5%b8%d6%82%d5%af-%d5%ab-%d5%a5%d6%80%d5%af%d6%80%d5%b8%d6%80%d5%a4%d5%a1%d5%b5%d5%ab%d5%b6-%d5%a2%d5%a1%d6%80%d5%a4%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%ab-%d5%b6/feed/ 0 Մեր փոքրիկ օգնականները https://parents.disabilityinfo.am/%d5%b4%d5%a5%d6%80-%d6%83%d5%b8%d6%84%d6%80%d5%ab%d5%af-%d6%85%d5%a3%d5%b6%d5%a1%d5%af%d5%a1%d5%b6%d5%b6%d5%a5%d6%80%d5%a8/ https://parents.disabilityinfo.am/%d5%b4%d5%a5%d6%80-%d6%83%d5%b8%d6%84%d6%80%d5%ab%d5%af-%d6%85%d5%a3%d5%b6%d5%a1%d5%af%d5%a1%d5%b6%d5%b6%d5%a5%d6%80%d5%a8/#comments Sat, 18 Apr 2015 08:48:49 +0000 http://parents.disabilityinfo.am/?p=14 Երբ փոքր տղաս ծնվեց, ավելի ճիշտ` փրկվեց, ապրեց, մեծս 3 տարեկան էր, խելացի, գիտակից երեխա էր արդեն: Առաջին մի քանի ամիսներին ամուսնուս հետ գերմարդկային ուժ էինք գործադրում, որ նրա կյանքի որակը չփոխվի, որ փոքրիկ ուսերին մեծ հոգս չընկնի: Միշտ ուրախ էինք, խաղում էինք, վազվզում, հյուրեր ընդունում՝ ինչպես միշտ, որ որևէ տարբերություն չզգար և չմտածեր, թե ինչ-որ խնդիր կա մեր ընտանիքում: Եվ միայն երբ երկուսն էլ քնում էին, միասին կարողանում էինք անկեղծ խոսել, լացել, հանգստանալ:

Ամիսներ հետո սկսվեց հարցերի տեղատարափը` բա ինչո՞ւ ապերը չի նստում, ինչո՞ւ չի խաղում, մեր մանկապարտեզի այսինչի քույրիկն արդեն նրա հետ խաղում է, ինքնուրույն կանգնում, իր ձեռքով հյութ խմում… Մենք ամեն ինչ բացատրում էինք հնարավորինս դրական կողմից, բայց երբեք չէինք ստում, երբեք չէինք ասում, որ ոտքը ցավում է, որ շուտով կքայլի և այլն: Պատմում էինք, թե ինչքան դժվարությամբ է ծնվել և որ կարող էր նույնիսկ մեզ հետ չլինել… Մի օր էլ, երբ արդեն մեկ տարուց ավելի անցել էր, տղաս ասաց՝ մա´մ, էլ քեզ չեմ տանջի, կարևորը, որ Գարս կա, որ ապրում ա ու մեզ հետ ա…

Ինչևէ, մենք երջանիկ ենք, լիարժեք ընտանիք ունենք, իրար ավելի շատ ենք սիրում և գնահատում, քան առաջ, ասես՝ պատերազմ անցած ու հաղթած լինենք միասին:

]]> https://parents.disabilityinfo.am/%d5%b4%d5%a5%d6%80-%d6%83%d5%b8%d6%84%d6%80%d5%ab%d5%af-%d6%85%d5%a3%d5%b6%d5%a1%d5%af%d5%a1%d5%b6%d5%b6%d5%a5%d6%80%d5%a8/feed/ 0 Ի՞նչ է մանկական ուղեղային կաթվածը https://parents.disabilityinfo.am/%d5%ab%d5%9e%d5%b6%d5%b9-%d5%a7-%d5%b4%d5%a1%d5%b6%d5%af%d5%a1%d5%af%d5%a1%d5%b6-%d5%b8%d6%82%d5%b2%d5%a5%d5%b2%d5%a1%d5%b5%d5%ab%d5%b6-%d5%af%d5%a1%d5%a9%d5%be%d5%a1%d5%ae%d5%a8/ https://parents.disabilityinfo.am/%d5%ab%d5%9e%d5%b6%d5%b9-%d5%a7-%d5%b4%d5%a1%d5%b6%d5%af%d5%a1%d5%af%d5%a1%d5%b6-%d5%b8%d6%82%d5%b2%d5%a5%d5%b2%d5%a1%d5%b5%d5%ab%d5%b6-%d5%af%d5%a1%d5%a9%d5%be%d5%a1%d5%ae%d5%a8/#comments Tue, 07 Apr 2015 16:52:15 +0000 http://parents.disabilityinfo.am/?p=241 Մանկական ուղեղային կաթվածը (ՄՈՒԿ) դժվարացնում է մարմնի մկանների վերահսկողությունը: Այն ի հայտ է գալիս կյանքի առաջին տարիներին:

ՄՈՒԿ-ը ազդեցություն է ունենում ոչ թե մկանների կամ նյարդերի, այլ ուղեղի վրա, որի հետևանքով առաջանում է շարժումներն ու կեցվածքը ճիշտ վերահսկելու և կառավարելու դժվարություն, ուստի ՄՈՒԿ ունեցող երեխաները դժվարանում են ճիշտ օգտագործել մարմնի որոշ մկանները: Երեխաները ունենում են փոքր շարժումներ կատարելու դժվարություն, ինչպես, օրինակ՝ գրելու կամ մկրատով կտրելու, դժվարանում են պահպանել հավասարակշռությունը կամ քայլել, չեն կարողանում կառավարել ձեռքերի ոչ կամային շարժումները կամ թքարտադրությունը:

ՄՈՒԿ-ի ծանրության աստիճանը տարբեր է յուրաքանչյուր երեխայի մոտ: Որոշ երեխաներ ունենում են թեթև դժվարություններ, մինչդեռ մյուսները կարող են ունենալ բավական ծանր բարդություններ և երկրորդական խնդիրներ, այն է՝ ցնցումներ կամ մտավոր զարգացման դժվարություններ:
ՄՈՒԿ-ը առաջանում է գլխուղեղի վնասվածքի պատճառով, որը կարող է լինել հղիության ընթացքում կամ ծնվելուց անմիջապես հետո: Շատ դեպքերում ոչ ոք չի կարող նշել ուղեղի վնասման իրական պատճառները կամ ինչ պետք է անել այն կանխելու համար: Ռիսկի գործոններից են վաղաժամ և դժվար ծննդաբերությունը, ցածր քաշը: Բժիշկները պետք է հատկապես ուշադիր լինեն այս երեխաների նկատմամբ: Կյանքի առաջին ամիսներին կամ տարիներին ուղեղային կաթվածի առաջացման պատճառ կարող են լինել նաև գլխի վնասվածքը կամ ուղեղի ինֆեկցիաները, ինչպիսին են բակտերիալ մենինգիտը կամ վիրուսային էնցեֆալիտը:

Նախկինում բժիշկները կարծում էին, որ ծննդաբերության ընթացքում ՄՈՒԿ-ը առաջանում է թթվածնային քաղցի պատճառով, սակայն ուսումնասիրությունները ցույց են տվել, որ շատ քիչ դեպքերում է այն հանգեցրել ուղեղի վնասվածքի:

ՄՈՒԿ-ը ժառանգական չէ և չի փոխանցվում սերնդեսերունդ: Ամբողջ աշխարհում ծնված 1000 երեխաներից 2-ը կարող են ՄՈՒԿ ունենալ: Չնայած բժշկական տեխնոլոգիաների և գիտության զարգացմանը՝ ՄՈՒԿ-ով երեխաների թիվը վերջին 30 տարիներին մնում է անփոփոխ, մասամբ որովհետև ծանր վաղաժամ նորածիններն ապրում են նորագույն վերակենդանացման բաժանմունքներում:

ՄՈՒԿ-ի նշաններն ի հայտ են գալիս մինչև 3 տարեկանը: Սովորաբար ծնողները նշում են, որ իրենց երեխան զարգացման խնդիր ունի: ՄՈՒԿ ունեցող նորածիններն ուշ են սովորում գլորվել, սողալ, նստել, ժպտալ կամ քայլել:

ՄՈՒԿ-ն ախտորոշվում է մարդու զարգացման և բժշկական զննման հիման վրա: Դանդաղ զարգացումը, մկանների լարման աստիճանը (տոնուս) և անսովոր դիրքը մատնանշում են ՄՈՒԿ: Բժիշկները պետք է որոշեն՝ արդյոք գնալով վատանու՞մ է երեխայի վիճակը, թե՞ ոչ: Եթե այո, ապա դա ՄՈՒԿ չէ, քանի որ այն հարաճուն կամ զարգացող հիվանդություն չէ:

Հաշմանդամության այս տեսակն ունեցող երեխաների համար պետք է վերականգնողական բուժում ապահովել: Կախված դժվարության աստիճանից` նրանք կարող են քայլակի, սայլակի կարիք ունենալ: Անհրաժեշտ է աշխատել նրանց մոտորիկայի, խոսքի զարգացման և ֆիզիկական ակտիվության վրա:

]]> https://parents.disabilityinfo.am/%d5%ab%d5%9e%d5%b6%d5%b9-%d5%a7-%d5%b4%d5%a1%d5%b6%d5%af%d5%a1%d5%af%d5%a1%d5%b6-%d5%b8%d6%82%d5%b2%d5%a5%d5%b2%d5%a1%d5%b5%d5%ab%d5%b6-%d5%af%d5%a1%d5%a9%d5%be%d5%a1%d5%ae%d5%a8/feed/ 0